Danimarkanın immiqrasiya və inteqrasiya naziri İnger Stöberg Məhəmməd peyğəmbəri təhqir edən karikaturanı paylaşıb.
Publika.az Türkiyə KİV-inə istinadən xəbər verir ki, nazir karikaturanı sosial şəbəkəsindəki səhifəsində yerləşdirib.
O, Danimarka nəşri “Jyllands Posten” tərəfindən 2005-ci ildə dərc olunan 12 karikaturanın Viborg şəhərində keçirilən “Reformlardan bu yana sənətdə dini təhqir” adlı sərgidə yer almamasını tənqid edib.
“Biz Məhəmmədin karikaturalarından qürur duymalıyıq”, - nazir sosial şəbəkədə yazıb.
Danimarkanın baş naziri Lars Lökke Rasmussen Stöberglə eyni fikirdə olmadığını və sözügedən karikaturalarla qürur duymadığını deyib.