Ermənistanın Aştarak şəhərinin sakini, keçmiş döyüşçü Arsen Avedisyan artıq 7 aydır ki, hər cümə axşamı hökumət binasının qarşısında etiraz aksiya keçirir.

Ermənistanın “1in.am” nəşri yazır ki, keçmiş döyüşçü Ermənistan ordusunda baş verən qanunsuzluq və korrupsiyadan şikayət edir.

Onun sözlərinə görə, Ermənistan ordusu köhnə sovet bazasında formalaşıb və arsenalda yeni silahların olması haqda deyilənlər yalandır. Veteran döyüşçü iddia edir ki, yeni müdafiə naziri Vigen Sarkisyan büdcə pullarını oğurlamaqla məşğuldur.

Avedisyan qeyd edib ki, ön xətdəki erməni əsgərlərinə maddi yardım göndərilmir, orduda vəziyyət acınacaqlıdır.