Gürcüstanın keçmiş prezidenti, Odessanın sabiq qubernatoru Mixael Saakaşvili şəhərdə gəzintiyə çıxıb.

Cebhe.info xəbər verir ki, o, tərəfdarları ilə 20 dəqiqəlik görüş keçirib və şəhərdə islahatları sona qədər apara bilmədiyinə görə üzr istəyib. Bunu isə Kiyev rəhbərliyinin münasibətilə izah edib.

Saakaşvili tərəfdarlarını 17 oktyabrda Kiyevdə prezidentin impiçmenti tələbilə keçiriləcək aksiyaya dəvət edib. Sonra görüş iştirakçıları Ukrayna himnini oxuyub, Saakaşvili də himn oxunduqdan sonra tərəfdarlarilə şəhər gəzintisinə çıxıb.

Görüşdən əvvəl isə Saakaşvilinin tərəfdarları və əleydarları arasında qarşıdurma olub. Polis vəziyyətə müdaxilə edib və asayiş bərqarar olunub.