Suriya ordusu İŞİD terror qruplaşması üzvlərinin əlində olan Deyr-əz-Zor məhəllələrinin təmizlənməsi üzrə əməliyyata başlayıb. “Report” xəbər verir ki, bazar ertəsi Suriya ordusu terrorçuları iki yaşayış məntəqəsindən çıxarıb. “Report” TASS-a istinadən xəbər verir ki, bu barədə "Əl-Manar" telestansiyası məlumat yayıb. Hökumət qüvvələri çərşənbə axşamı Ər-Rassafa və Hay-əl-Ummal rayonlarında terrorçuların müdafiəsini yarıb və Səid limanı küçəsinə doğru irəliləməkdədirlər. "Əl-Manar"ın məlumatına görə, İŞİD terrorçuları arasında ölən və yaralananlar var. Dəqiq məlumat yoxdur. Bazar ertəsi qoşunlar terrorçuları Salihiyyə və Hüseyniyyə yaşayış məntəqəsindən çıxarmağa müvəffəq olublar.