İndoneziyanın paytaxtı Cakartdakı pirotexniki vasitələrin hazırlandığı fabrikdə güclü partlayışlar baş verib.

ATV.az AFP-yə istinadən bildirir ki, nəticədə azı 47 nəfər həyatını itirib. Daha 35 nəfər müxtəlif dərəcəli xəsarətlər alıb. Onlardan bir çoxunun vəziyyəti ağır olduğundan, tələfat sayının artacağı istisna deyil. Bildirilir ki, tikilidə əvvəlcə ardıcıl iki partlayış, 3 saatdan sonra isə daha bir partlayış qeydə alınıb. Ardınca isə güclü yanğın başlayıb. Bu üzdən xilasedicilər işçilərə kömək etməkdə çətinlik çəkib. Axtarış işləri davam etdirilir.