Rusiya prezidenti Vladimir Putin türkiyəli həmkarı Rəcəb Tayyib Ərdoğanın oturduğu stolu yerə atıb.

AzVision.az xəbər verir ki, bu barədə Rusiya KİV-ləri məlumat yayıb.

Videogörüntülərdən məlum olur ki, hadisə Putin, Ərdoğan, və İran prezidenti Həsən Ruhaninin Soçidə üçtərəfli görüşünə dair keçirdiyi mətbuat konfransı yekunlaşarkən baş verib.

Rusiya lideri ondan solda yerləşən Ərdoğana yaxınlaşıb, əlini sıxıb və eyni zamanda Türkiyə liderinin rahat formada ayağa durması üçün stolu kənara atıb.

Türkiyə telekanalının yayımladığı kadrlarda yerə düşən stola bir neçə nəfərin yaxınlaşdığı görünür.