Minsk Belarus sülhməramlılarının Donbasdakı münaqişə zonasında yerləşdirilməsini müzakirə etməyə hazırdır.

Axar.az xəbər verir ki, bu sözləri Belarus Xarici İşlər naziri Vladimir Makey deyib.

O deyib ki, bu məsələ ABŞ Dövlət Departamentinin Ukrayna üzrə xüsusi nümayəndəsi Kurt Volkerlə müzakirə olunub:

“Biz görüşlə bağlı müraciət ünvanlamışdıq və cənab Volker ilə görüşməyə müvəffəq olduq. Əgər bu münaqişəyə cəlb edilən hər bir dövlət üçün məqbul olsa, biz istənilən variantda burada iştirak edə bilərik”.

Nazir onu da əlavə edib ki, Ukraynanın şərqindəki konfliktin həlli üçün Moskva ilə Kiyev kompromisə getməlidir.