Rusiya Ukraynada əsgərlərinin döyüşdüyünü inkar edir, ancaq bir sirr kimi saxlanan statistika "yanlışlıqdan" internetdə yayılıb.

Avropa.info xəbər verir ki, internetə sızan ölü rus əsgərlərinin sayı və digər gizli məlumatlar, hadisənin miqyasının böyük olduğunu ortaya çıxarıb.

Rusiyada bir xəbər saytı Ukraynanın şərqində gedən döyüşlərdə ölən və yaralanan əsgər sayını yayıb. İnternetə səhvən sızdığı bildirilən məlumatlar gizli məqamları üzə çıxarıb.


Səhvən yayıldığı bildirilən məlumatlar qısa müddət sonra internetdən qaldırıldı. Ancaq bir çox saytlar həmin məlumatları yayıldığı andaca götürüblər.

Rusiya prezidenti Putin may ayında ölən əsgər saylarının gizli saxlanılacağını demişdi. Putinin sözçüsü Dmitri Peskov bu məsələnin Ukrayna ilə əlaqəsi olmadığını, sadəcə bu məsələylə bağlı qanunun təkmilləşdirlməsindən söhbət getdiyini qeyd etmişdi.

Yayılan məlumatlara görə, ölən əsgərlərin ailələrinə təxminən 45 min dollar, yaralanan əsgərlərə isə 12 min dollar ödənilib. 2015-ci ilin məlumatlarına görə, Rusiyada ölən əsgərlərin sayı 2000-dən çox, yaralananların sayı isə 3200 nəfər olub.