İyunun 5-də Sakit okeanın ortasında yanğına məruz qalan “Morning Midas” yük gəmisi tamamilə batıb.
İqtisadiyyat.az xəbər verir ki, bu barədə gəminin kapitanı məlumat verib.

Göyərtəsində 3 000-dən çox avtomobil, o cümlədən təxminən 800 elektromobil olan gəmi yanğından sonra ekipaj tərəfindən tərk edilmişdi.

Zədələr, pis hava şəraiti və göyərtəyə su dolması nəticəsində gəminin vəziyyəti kritik həddə çatıb və nəqliyyat vasitələri ilə birlikdə dənizin dibinə qərq olub.