Cənubi Koreyada keçmiş prezident Yun Sok Yolun hərbi vəziyyət tətbiq etməsi ilə bağlı işi araşdıran xüsusi prokuror onun barəsində həbsinə dair order istəyib.

Oxu.Az kp.ru-ya istinadən xəbər verir ki, bu barədə keçmiş siyasətçinin vəkilinin ofisi məlumat yayıb.

Qeyd olunub ki, prokuror keçmiş prezidentinin dəfələrlə çağırış vərəqələrinə əməl etməkdən imtina etdiyini əsas gətirib.

İstintaq zamanı ictimai vəzifəyə mane olmaq ittihamı ilə həbs qərarı verilib, çünki Yun Sok Yol gələcək çağırışlara əməl etməmək niyyətini açıq şəkildə ifadə edib. Siyasətçinin vəkili qeyd edib ki, müvəkkili istintaqın qanuni və ədalətli şəkildə getdiyini görmədiyi üçün çağırış vərəqəsində göstərilən tələblərə əməl etmir.