Telefonunuzu tualetdə istifadə etmək kimi vərdiş cihazınızı təhlükəli mikroorqanizmlər üçün sığınacaq halına gətirə bilər.

"Mignews" xəbər verir ki, bu xəbərdarlıqla Lester Universitetinin klinik mikrobiologiya üzrə professoru Primrouz Frost çıxış edib.

O vurğulayıb ki, bağırsaq çöpləri asanlıqla orqanizmə keçərək ishal və mədə spazmına səbəb ola bilər.

"Əllərinizi sabunla yuduqdan sonra telefona yenidən toxunduğunuz zaman bu mikroblar əllərinizə geri qayıda bilər. Buna görə də telefon tualetdə istifadə olunmamalı və mütəmadi olaraq spirtli salfetlərlə dezinfeksiya edilməlidir", - deyə professor bildirib.