Ermənistanda terrorizm və hakimiyyətin ələ keçirilməsinə hazırlıqla bağlı cinayət işi çərçivəsində 90-dan çox axtarış aparılıb, 14 nəfər saxlanılıb.

Demokrat.az xəbər verir ki, bu barədə Ermənistan İstintaq Komitəsinin saytında məlumat verilib.

Qeyd olunur ki, axtarışlar zamanı təhlükəsizlik qüvvələri tərəfindən sənədlər, o cümlədən odlu silah və döyüş sursatı, tədbirlər planı, cəlb edilmiş şəxslərin siyahıları, pilotsuz uçuş aparatları, cinayətkar qrupun həyata keçirməli olduğu qanunsuz hərəkətlərin xronologiyası ələ keçirilib.

Məlumata görə, hazırda 14 nəfər saxlanılıb.

Ermənistan İstintaq Komitəsi “Müqəddəs mübarizə” hərəkatının lideri arxiyepiskop Baqrat Qalstanyanı və onun tərəfdaşlarını respublikada hakimiyyəti ələ keçirmək məqsədilə terror aktları hazırlamaqda təqsirli bilir.