Boliviyada baş vermiş qəza nəticəsində ölənlərin sayı artıb
16-06-2018, 09:59
Boliviyada sərnişin avtobusun qayaya çırpılması nəticəsində ölənlərin sayı 17-yə çatıb.
APA-nın RİA Novosti agentliyinə istinadən verdiyi xəbərə görə, bundan əvvəl 12 nəfərin öldüyü bildirilirdi.
İlkin məlumata əsasən, qəza zamanı nəqliyyat vasitəsində 50-dək sərnişin olub.
***
03:03
Boliviyanın Potosi şəhəri yaxınlığında ağır yol qəzası baş verib.
APA-nın RİA Novosti agentliyinə istinadən verdiyi xəbərə görə, sərnişin avtobusunun qayaya çırpılması nəticəsində 12 nəfər ölüb, 30-dan çoxu xəsarət alıb.
Həkimlər bəzi yaralıların ağır vəziyyətdə olduğunu nəzərə alaraq, ölənlərin sayının artacağını istisna etmir. İlkin ehtimala görə, qəzaya yüksək sürət səbəb olub.
