ABŞ-da MSNBC kanalının aparıcısı Reyçel Meddov, Texasda ailələrindən zorla ayrılaraq qaçqın düşərgələrinə yerləşdirilən uşaqlarla bağlı xəbəri çatdıran zaman göz yaşlarını saxlaya bilməyib.

Məşhur aparıcı Reyçel Meddov ABŞ prezidenti Donald Trampın köçkünlər siyasəti ilə bağlı xəbəri canlı efirdə oxuyarkən köçkünlərlə necə rəftar edilməsini gördükdə ağladığı üçün “Tvitter” hesabından üzr istəyib, tamaşaçılar isə onu dəstəklədiklərini bildiriblər.

“Assoşieyted Press” informasiya agentliyinin hazırladığı xəbəri canlı efirdə səsləndirən Maddov aşağıdakı cümlələri oxuyub: “Tramp iqtidarının məmurları ana-atalarından zorla alınan uşaqları Cənubi Texasda yerləşən qaçqın düşərgələrinə göndərir”.