Teref.az olaraq bu gün Azerinfo.tv-yə istinadən dərc etdiyimiz http://teref.az/manset/121104-kerem-hesenovun-emisi-ogliu-meni-polislere-doydurtdu-dn-nin-qarsisinda-intihar-edecem-vdeo.html məqaləsinə DİN-yinin Lənkəran rayonunda regional qrupundan saytımızın poçtuna operativ cavab daxil olub. DİN-yinin Lənkəran rayonunda regional qrupuna operativ reaksiya verdiklərinə görə təşəkkür edir və cavabı diqqətinizə çatdırırıq:
DİN Mətbuat Xidmətinin Lənkəran rayonunda regional qrupunun baş inspektoru, polis leytenantı Məhəmməd Rzayev:

-Biləsuvar rayon sakini Təbriz Əsədovun Rayon Polis Şöbəsində təzyiqlərə məruz qalması barədə iddiaları əsassızdır və həqiqəti əks etdirmir. Ayrı-ayrı vaxtlarda Biləsuvar Rayon Polis Şöbəsinə müraciət edən rayonda heyvandarlıqla məşğul olan şəxslər öz şikayət ərizələrində Təbriz Əsədov adlı şəxsin onlara məxsus heyvanları satmaq adı ilə apardığını, lakin razılaşdıqları vaxtda pullarını ödəmədiyini bildirmişlər. Həmin şikayətlərlə əlaqədar RPŞ-də müvafiq araşdırma aparılmış, lakin məsələ mülki xarakter daşıdığından onlara məhkəməyə müraciət etmək tövsiyə olunmuşdur. Hesab edirik ki, T.Əsədovun guya döyülməsi, “işgəncələrə” məruz qalması barədə şantaj xarakterli fikirlər səsləndirməsinin əsasında ictimaiyyətin diqqətini çəkmək, məhkəmə məsuliyyətindən yayınmağa uğursuz cəhdi durur.