“Artsax 7-ci ümumerməni oyunlarının açılışına hazırdır”.

Moderator.az xəbər verir ki, separatçı erməni nəşrlərinin yaydığı məlumata görə, bunu öz “Facebook” səhifəsində qondarma rejimin “dövlət naziri” adlanan Qriqori Martirosyan ad-soyadlı adamabənzər məxluq yazıb.

Öncədən xəbər verdiyimiz kimi, avqustun 5-dən 17-dək Azərbaycanın işğal altındakı torpaqlarında ümummili erməni oyunları keçiriləcək. Avqustun 6-da Xankəndidə açılşı ediləcək idman tədbiri ayın 17-də İrəvanda bağlanacaq. Hazırda Xankəndidəki Şaumyan adına stadionda bədii bayram tədbirinin məşqləri keçirilir.

Xatırladaq ki, bu il 1-10 iyun tarixlərində Qarabağda qondarma separatçı qurumların “CONİFA” Avropa futbol çempionatı da keçirilib...

P.S. Bu, dəhşətli bir reallıqdır. Nəinki 1988-ci ildən, XVIII əsrdən bəri ermənilər başımıza min oyun açır... Və Biz də Bakıda çox oyunlar keçiririk, amma Xankəndidəki oyunların qarşısını ala bilmirik...

P.P.S. Yadımıza elə həmin 1988-ci ildə Quzey Azərbaycan həsrəti ilə dünyasını dəyişmiş dahi Şəhriyarın bir beyti düşür: “Qorxuram ki, oyun ola- Millət dönüb qoyun ola...”