Bu gün Azərbaycanda keçirilən parlament seçkilərində Milli Məclisin yeni tərkibi formalaşacaq. Növbədənkənar seçki olduğu üçün indi seçiləcək deputatların səlahiyyət müddətinin nə qədər olacağı suallar doğurur.

“Yeni Sabah” xəbər verir ki, məsələyə münasibət bildirən hüquqşünas Əkrəm Həsənov deyib ki, Konstituiyamızın 98-1-ci maddəsinin II hissəsinə görə, növbədənkənar seçkilərdə seçilən Azərbaycan Respublikası Milli Məclisinin çağırışının səlahiyyət müddəti beş ildən az ola bilər.

“Bu halda Azərbaycan Respublikasının Milli Məclisinə növbəti seçkilər növbədənkənar seçkilərdə seçilən Azərbaycan Respublikası Milli Məclisinin çağırışının səlahiyyət müddətinin beşinci ilinin noyabr ayının birinci bazar günü keçirilir.

Beləliklə, bu gün seçdiyimiz deputatların səlahiyyət müddəti 5 il deyil, 4 il 10 ay olacaq və növbəti parlament seçkiləri 3 noyabr 2024-cü ildə keçiriləcək. Əlbəttə, yenə də özlərini daha tez buraxmasalar”.