Türk mediası Orta Şərqdəki mənbələrinə istinadən dəfələrlə yazıb ki, Azərbaycana qarşı müharibədə iştirak etmək üçün Dağlıq Qarabağa PKK terrorçuları, eləcə də Suriya və Livandan olan erməni qrupları göndərilib.

Virtualaz.org bildirir ki, bu dəqiqələrdə Qarabağ separatçılarının populyar telegram kanallarından biri, erməni ordusunun təzə formasında olan bir ərəb legionerinin çağırışını paylaşıb və dərhal da silib.

Mətndə yazılıb: "Milliyyətçi ASALA qrupunun (Ermənistanın Qurtuluşu uğrunda Erməni Gizli Ordusu) Livandan olan könüllü döyüşçüsü bildirir ki, erməni diasporunun nümayəndələri Yerevana köməyə gedirlər".

Bu Ermənistanın, PKK və ASALA-nın, eləcə də Suriya və Livandan gələn erməni hərbi birləşmələrinin üzvlərindən necə beynəlxalq rerrorçu dəstəsi təşkil etdiyini göstərir.