Şuşa ətrafında gedən döyüşlərdə Ermənistanın sabiq müdafiə naziri, general-polkovnik Seyran Ohanyan ağır yaralanıb.

Bu barədə xarici mətbuat xəbər verib.

Qeyd edək ki, daha əvvəl onun Şuşanın “hərbi komendant”ı “təyin olunması” barədə məlumat yayılıb.

Azərbaycan mənbələri Seyran Ohanyanın yaralanması xəbərini təsdiqləyiblər. Xatırladaq ki, Ohanyan Ermənistan rəhbərliyində təmsil olunmuş və hazırda da təmsil olunan bəzi şəxslər kimi Xocalı faciəsinin təşkilatçılarından, qətliam qatillərindən biridir.

Bu arada “Vestnik Kavkaz”ın yaydığı məlumata görə görə Seyran Ohanyanın oğlu Artur da döyüşlərin birində yaralanıb.Bu barədə Seyran Ohanyanın vəkili Karen Mejlumyan məlumat verib. Onun yaralanıb,xəstəxanaların birində yerləşdirildiyini bildirən vəkil əlavə məlumatlar verməyib.