Azərbaycan, Pakistan və Türkiyə parlament sədrlərinin Bakı görüşü bu ölkələrin paytaxtlarından çox, bəlkə də İrəvan, Moskva və Parisdə izlənilib.

Bizim.Media xəbər verir ki, Türkiyə ilə imzalanan Şuşa bəyannaməsi onsuz da İrəvan və ermənilərin Minsk Qrupu qalxanına tərs şillə efekti olub.

Ardınca Pakistanın da Türkiyə və Azərbaycanla üçlü formatda yaxınlaşması erməniləri daha da təşvişə saldı. Çünki Pakistan Yer üzündə Ermənistan adlı bir dövlətin varlığını tanımayan Azərbaycanla birlikdə yeganə ölkədir.

Tağıyevin peyvənd payı və daşnakların "pikap" harayı...

Azərbaycanın Pakistanla tarixi əlaqələri var, hətta hər iki ölkədə eyni soydan olan türk tayfalarının yaşadığı haqqında tarixi faktlar da mövcuddur. Amma Pakistanla ilkin dostluq münasibətlərinə səbəb XX əsrin əvvəllərində baş verənlərdir. Çünki o zamanlar Britaniya müstəmləkəsi olan Pakistanın əhalisi arasında pandemiya yayılmış, ölüm halları intensivləşirdi. Belə dar gündə Hacı Zeynalabdin Tağıyev şəxsi vəsaiti hesabına Pakistana 300 min ampula peyvənd yollayıb. O vaxtdan bəri Pakistanın Azərbaycan, İslamabadın Bakı sevgisi sarsılmazdır.

Elə 44 günlük savaşda Azərbaycanda Türkiyə ilə yanaşı Pakistan bayraqları bu ölkənin dəstəyindən qaynaqlanan (Rusiya və İsrail simvolları da var idi) rast gəlinməsi möhkəm dostluğun aşkar səhnəsiydi.

Bir şey ki, müharibədə muzdlu döyüşçülərdən istifadə edən ermənilər Azərbaycana ünvanlanan dəstək mesajlarından necə qorxmuşdularsa, hətta yeni cəfəngiyyatlar uydurmağa başladılar. Bəs guya ki, Azərbaycan erməni səngərlərini "pikap"da pulemyotla hərəkət edən pakistanlı muzdluların hesabına yarıb. Deyəsən ermənilər "052", "Yaşma"nın adını çəkməyə də qorxurlar ki, birdən xüsusi təyinatlılarımızın kölgəsi İrəvanın başının üstünü alar. Əslində indi daha çox qorxmalıdlrlar.

Münasibətlərin məntiqi sonucu - Bakı bəyannaməsi

Bəli, Ermənistan və havadarları indi daha çox qorxurlar, çünki üç ölkənin parlament spikerləri arasında Bakıda imzalanan sənəd elə bir üçlük yaradır ki, İrəvan III Qarabağ savaşını ağlının ucundan belə keçirdə bilmir. Zatən Şuşa bəyannaməsi Ermənistanın hər mənada ən yaxın tərəfdarına da necə bildiriş oldusa, davamında Pakistanın oxşar sənəd imzalaması heç bir maneə tanımadı. Əlbət, imzalar müxtəlif sahələri əhatə edən əməkdaşlığın altına atılıb. Bu əməkdaşlığın isə Zəngəzur dəhlizilə bağlı olan bəndləriı də labüddür. Yəni, Zəngəzurdan İslamabada elə bir cığır açılacaq ki, Pakistan da türk dünyasına açılacaq. Bununla Pakistanın ən yaxın tərəfdaşlarından olan Çinin də layilərdə iştirakı aktuallaşır.

İqtisadi, siyasi və hərbi cəhətdən güclü olan 3 dövlətin Zəngəzur dəhlizində isə düşmən radarlarına yer yoxdur.

Çünki Rusiya da bu əməkdaşlıqda maraqlıdır və Paşinyan hökumətinin bircə çıxış yolu qalır: Yaxın qonşularını uzaq qohuma dəyişmək. Yəni Rusiyanı Fransayla barter eləməyin Ermənistan üçün fəsadları da Azərbaycanın xeyrinə yozulur. Rusiya himayə adlanan əlini daşnakların başının üstündən götürsə...

Ermənistan 1918-ci ilə, 9 min kvadrat kilometrə qayıdacaq.