Maliyyə Nazirliyinin rəsmi saytında 2022-ci ilin dövlət büdcəsinin ilkin göstəricilərinə nəzər salıb.

2022-ci ildə 26 milyard 407 milyon manat büdcə gəliri nəzərdə tutulur. Bunun 13 milyard 840 milyon manatı neft gəlirləri kimi rəsmiləşir: Dövlət Neft Fondundan 11 milyard 860 milyon manat köçürmə, neft sektorundan 1 milyard 980 milyon manat vergi daxilolması proqnozlaşdırılır.

Qeyri-neft gəlirləri büdcə layihəsində 12 milyard 567 milyon manat göstərilir: Dövlət Vergi Xidmətindən 7 milyard 158 milyon manat, Dövlət Gömrük Komitəsindən 4 milyard 260 milyon manat, başqa mənbələrdən 1 milyard 149 milyon manat ödəmə gözlənir.

2022-ci ilin büdcəsinin ilkin layihəsində xərc 28 milyard 974 milyon manat göstərilir. Xərc istiqamətləri belə sıralanır:

iqtisadi fəaliyyət – 5 milyard 399,7 milyon manat;

müdafiə və milli təhlükəsizlik – 4 milyard 499,2 milyon manat;

ümumi dövlət xidmətləri – 4 milyard 261 milyon manat;

təhsil – 3 milyard 740 milyon manat;

sosial müdafiə və sosial təminat – 3 milyard 584,4 milyon manat;

məhkəmə hakimiyyəti, hüquq mühafizə və prokurorluq – 2 milyard 428,3 milyon manat;

səhiyyə – 1 milyard 443,3 milyon manat;

kənd təsərrüfatı – 985,9 milyon manat;

mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 457,6 milyon manat;

ətraf mühitin mühafizəsi – 280 milyon manat;

mənzil və kommunal təsərrüfatı – 248,2 milyon manat;

əsas bölmələrə aid edilməyən xidmətlər – 1 milyard 645,8 milyon manat.