""Topaz"a qadağa qoyulmalıdır" - Deputatdan SƏRT AÇIQLAMA

22-01-2022, 15:02           
""Topaz"a qadağa qoyulmalıdır" -
“Bir sıra xarici şirkətlərə məxsus mərc oyunlarının qadağan edilməsi müsbət haldır və Azərbaycan cəmiyyəti tərəfindən də razılıqla qarşılanmalıdır. Fikrimcə, “Topaz”a da qadağa qoyulmalıdır. “Topaz”da külli miqdarda vəsait uduzan, borca düşən, nəticədə evini satmağa məcbur olan adamlar var. Mərc oyunlarının heç birini düzgün qəbul etmirəm. Həmin oyunların nəticəsində hansısa tərəfin həyatına təhlükə yaranırsa, uduzur, problemlərlə qarşılaşırsa, bu, qəbuledilməzdir”.

Bunu Pravda.az-a açıqlamasında Milli Məclisin deputatı Tahir Rzayev deyib.

Deputat bildirib ki, qumar oyunları cəmiyyət üçün yolverilməz haldır: “Belə oyunlar nəticəsində kiminsə üzü güləndə, kiminsə qəlbi ağlayır. Bu cür mərc oyunlarına görə neçə-neçə ailələr məhv olub, neçə nəfər yoxsulluğa düçar olub, var-dövlətini oyunlara qoyub. Bu, cəmiyyət üçün çox ziyanldır. Təəssüf ki, bunu bəzən reklam edirlər, faydalı əmək fəaliyyəti kimi təqdim edirlər. Bu, uşaqların, gənclərin şüurunda çox böyük təlatümlər yaradır. Mərc oyunlarında müəyyən fırıldaqlar, kələklər var. Müəyyən yollarla kiməsə üstünlük verilir. Bütün qumar oyunlarının əsasında kələk, fənd, aldanma durur. İki tərəfdən biri mütləq aldadılaraq uduzur. Bu, kiminsə faciəsidir. Ona görə də ölkədə bütün növ mərc oyunları və qumarlara qadağa qoyulmalıdır”.шаблоны для dle 11.2


Loading...



Loading...





Loading...

Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.