Müvəqqəti(!) olaraq Azərbaycan Respublikasının Qarabağ və Şərqi Zəngəzur iqtisadi rayonlarının bir hissəsində yerləşdirilmiş “sülhməramlı” adlanan Rusiya hərbi kontingenti növbəti dəfə Ermənistanın yalanını “təsdiqləyib”. Teref.az moderator.az-a istinadla xəbər verir ki, bəhs edilən hərbi kontingentin Rusiya Müdafiə Nazirliyinin rəsmi saytındakı informasiya bölməsində dünən- avqustun 7-ə aid xəbər bülletenində guya Ermənistanın “Geqarkunik vilayətinin Sotk məntəqəsi yaxınlığında(Kəlbəcər rayonu ilə sərhəddə) Azərbaycan Silahlı Qüvvələri tərəfindən atəşkəs rejiminin pozulması və nəticədə bir erməni hərbçinin yaralanması” “faktı” qeydə alınıb:

“За прошедшие сутки в зоне ответственности российского миротворческого контингента зафиксировано одно нарушение режима прекращения огня в районе СОТК Гегаркуникской области со стороны Вооруженных сил Азербайджана, в результате которого ранен один военнослужащий Вооруженных Сил Армении. Командованием российских миротворцев, во взаимодействии с азербайджанской и армянской сторонами, данный инцидент урегулирован, нарушений линии соприкосновения сторон не допущено”.

Qeyd edək ki, avqustun 7-də Ermənistan MN bu haqda məlumat yaysa da, Azərbaycan MN verdiyi məlumatda bunun yalan olduğunu söyləyib.

Bu, artıq son 1 il 9 ay ərzində Rusiya MN-in erməni yalanlarını təsdiqləməsinə aid “en”inci faktdır...

Halbuki, bu mövzuda ötən yazımızda da qeyd etdiyimiz kimi yalnız iyulun 25-dən avqustun 4-dək 10 günlük müddətdə Rusiya MN Ermənistan tərəfindən həm dövlət sərhədimizdə, həm də Qarabağ və Şərqi Zəngəzurdakı təmas xəttində atəşkəs rejiminin dəfələrlə pozulmasını, o cümlədən bir əsgərimizin qətlə yetirilməsini qeydə almayıb(bax: //moderator.az/az/ekskluziv/539520/rusiya-mn-son-10-gunde-ermeni-birlesmelerinin-hec-bir-ateskes-pozuntusunu-qeyde-almayib/).

P.S. Sərf etməyən hallarda Rusiya “sülhməramlı”ları Ermənistan-Azərbaycan sərhədinə nəzarət etmədiklərini bildirirlər...