Ermənistanda, xüsusən Qarabağda, artıq görbagör olmuş separatçı qurum tərəfindən simvol kimi istifadə olunan bu abidəni tanımayan yoxdu.
Bəs bu tikilinin haylara aidiyyatı varmı və harda yazılıb ki, bu abidə mütləq qarabağın erməni əhalisinə həsr olunub? Erməni "mənimdi" dedi deyə onunmu oldu?
Abidənin nə Ermənistan SSR, nə Ermənistan Respublikası, nə də tarixə gömülmüş qondarma "Artsaxa" aidiyyatı olmayıb.
Diqqət edin:
1967-ci ildə Xankəndinin yaxınlığında Əskəran rayonu ərazisində heykəltaraş Çərkis Baqdasaryanın “Biz və bizim dağlar” adlı abidəsi açıldı. Qısa zamanda heykəl kompleksi məşhurlaşdı və hal-hazırda Azərbaycan mədəni irsinin ayrılmaz hissəsidir.
Əsərin erməni əsilli müəllif tərəfindən yaradılması heç də onu Ermənistanın mədəni sərvəti hesab etməyə imkan vermir. Çünki, əsər Azərbaycanın büdcəsindən ayrılan vəsait ilə Azərbaycan vətəndaşı tərəfindən Azərbaycan ərazisində yaradılıb. Dünyanın hər yerində bütün sənət əsərləri yerləşdiyi ölkənin sərvəti sayılır.
Özüdə Vikipediyada həyasızcasına yazırlar ki, guya Azərbaycan SSR höküməti buna qarşı da çıxmışdı.
MARAQLI FAKT:
“Pravda” qəzetinin 31 dekabr 1976-cı il tarixli, 365 nömrəli sayında “Biz və bizim dağlar” memarlıq obyekti haqqında yazılır:
"Abidə dünyada uzunömmürlülərin şərəfinə ucaldılmış ilk abidədir."
Bu sitata, Ş.Mkrtçyanın 1988-ci ildə nəşr olunmuş “Dağlıq Qarabağın tarixi və memarlıq abidələri” kitabında da rast gəlmək olar.
Abidənin açılışı, 1817-ci ildə Qarabağ xanlığında anadan olmuş ən məşhur Qarabağ uzunömürlüsü, Şirin Həsənovun 150 illik yubileyinə həsr olunmasına dəlalət edən faktlara nəzər yetirək:
1. 1967-ci il 1 yanvar - Şirin Həsənovun 150 yaşı tamam olur
2. 1967-cı il avqust ayı - "Oqonyok" jurnalının 32 sayında Şirin Həsənov haqqında məqalə dərc edilir.
3. 1967-cı il, 1 noyabr - “Biz və bizim dağlar” abidəsinin açılışı olur.
4. 1976-cı il 31 dekabr - “Pravda” qəzetində bu abidənin uzunömürlülərin şərəfinə ucaldılması qeyd olunur.
İndi siz düşünün, bu abidə kimin səbəbinə ucaldılıb və kimə aiddi.
Milli Kimlik
Teref.az