Tramp Vansı seçərkən Ukraynadakı münaqişəni necə həll edəcəyini açıq şəkildə bildirib.
Sputnik. Ağ Evin sabiq Prezidenti Donald Tramp Ukrayna Prezidenti Vladimir Zelenskiyə senator Ceyms David Vansı ABŞ vitse-prezidenti vəzifəsinə namizəd seçərkən ona aydın mesaj göndərib.
Bu barədə İngiltərənin "Express" qəzeti yazır. Nəşr qeyd edib ki, Vans hələ də Kiyevə hərbi yardım göstərməyin əleyhdarı olaraq qalır.
O, müntəzəm olaraq Vaşinqtonu Ukraynanı silahla təchiz etməyi dayandırmağa çağırır. Qəzet hesab edir ki, buna görə də Tramp onu vitse-prezident seçib.
"Tramp Ceyms David Vansı vitse-prezident vəzifəsinə namizəd seçməklə münaqişəni necə həll edəcəyinə dair Ukraynaya daha bir aydın siqnal göndərib", "Express" nəşri yazır.
Eyni zamanda Tramp dəfələrlə Kiyevə sonsuza qədər dəstək vermək niyyətində olmadığını da etiraf edib. Siyasətçi münaqişəni demək olar ki, hətta Ukraynanın xeyrinə olmasa belə istənilən şərtlərlə həll etmək istəyir. Ancaq Tramp əvvəlcə prezident seçkilərində qalib gəlməlidir. Bunu etmək isə asan deyil, nəzərə alsaq ki, o, hazırkı ABŞ lideri Co Bayden kimi dövlət başçısı vəzifəsinə yaşlı hesab olunub.
17.07.24, 00:12
Peskovdan Trampın Ukrayna məsələsində vasitəçi roluna münasibət
Rusiya prezidentinin mətbuat katibi Dmitri Peskov Donald Trampın yenidən seçiləcəyi təqdirdə Rusiya və Ukrayna arasında sülh danışıqlarında vasitəçi ola biləcəyi ilə bağlı xəbərləri erkən məlumat adlandırıb. Onun sözlərinə görə, Rusiya "ABŞ-ın hazırkı administrasiyasının hələ də münaqişəni davam etdirməkdə israr etdiyi mövcud reallıqlardan çıxış edir.
"İndi kimin nəyə hazır olması, kimin hansı mövqelərə sadiq qalması ilə bağlı çoxlu mülahizə və fərziyyələr var. Hazırda Donald Tramp ABŞ prezidentliyinə namizəddir. Gəlin seçkilərin nəticəsini gözləyək, amerikalı seçicilər gələcəklərini özləri həll edəcəklər", - Kremlin nümayəndəsi bildirib.
İyulun 15-də Bild nəşri Macarıstanın baş naziri Viktor Orbanın Avropa Şurasının rəhbəri Şarl Mişelə məktubunun mətninə istinadən yazıb ki, Donald Tramp sülh yolu ilə həlli üçün vasitəçi ola bilər. ABŞ prezident seçkilərində qələbə qazandıqdan sonra keçmiş ABŞ prezidentinin bu mövzuda ətraflı və əsaslı planları var.
İyulun əvvəlində Viktor Orban sülhməramlı missiya çərçivəsində Ukrayna, Rusiya və Çinə səfər edib. O, bu ölkələrin liderləri, həmçinin Türkiyə prezidenti Rəcəb Tayyib Ərdoğan və Donald Trampla danışıqlar aparıb. Macarıstanın görüşlər nəticəsində formalaşan tövsiyələri ABŞ, Aİ, Çin və Türkiyənin Ukrayna və Rusiya arasında danışıqlarda vasitəçi ola biləcəyini nəzərdə tutur. Viktor Orban Avropa Şurasına münaqişənin həllinə yeni yanaşmalar hazırlamaq təklifi ilə çıxış edib.