Suraxanı rayonu, Yeni Günəşli qəsəbəsi, “V” yaşayış sahəsində gecə saatlarında tikinti işləri aparılır.

AzToday.org xəbər verir ki, bu barədə sakinlər şikayət edir. Onların sözlərinə görə, işlər axşam saat 8-də başlayır, səhər saat 6-da bitir:

Ətrafdakı binaların sakinləri əsl kabus yaşayırlar. Demək olar ki, səhərə qədər yatmırlar səs-küydən. Rəsmi qurumlara müraciətlər də cavabsız qalıb. Bütün rəsmi qurumlar rüşvətini alıb, gözünü yumub. Camaat bu şirkətin və rəsmi qurumların əmvatına “dua”lar oxumaqla məşğuldur bütün gecəni. Bu “dua”lardan sonra tikintidə bədbəxt hadisə olsa, bütün rəsmi qurumlar eyni anda gözlərini açıb deyəcəklər: Qanunsuz tikilirmiş.

Tikintinin hansı şirkət tərəfində aparıldığı bilinmir. Ərazidə hər-hansı bir məlumat lövhəsi yoxdur.

Gecə saatlarında aparına tikinti işlərinin videosunu təqdim edirik:

Qeyd edək ki, Suraxanı rayonunun icra başçısı Adil Əliyevdir.