Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan arasında baş tutan telefon danışığında Rusiyanın Ukraynada davam edən münaqişənin sülh yolu ilə həllinə hazır olduğunu bir daha təsdiqləyib.

Teleqraf xəbər verir ki, bu barədə Kremlin yaydığı rəsmi bəyanatda qeyd olunub.

Məlumatda qeyd olunub: “Vladimir Putin Ukrayna məsələsini müzakirə edərkən münaqişənin siyasi və diplomatik həllinə dair prinsipial öhdəliyini təsdiqləyib".

Putin, həmçinin Ərdoğana İstanbulda Rusiya-Ukrayna arasında birbaşa danışıqların təşkili və vasitəçilik səyləri üçün təşəkkür edib.

Telefon danışığında tərəflər, həmçinin Rusiya-Türkiyə ikitərəfli münasibətləri və Suriyada vəziyyətin pisləşməsi məsələlərini də müzakirə ediblər. Xatırladaq ki, iki ölkə lideri arasında iyulun 18-də telefon danışığı olub.