Hərbi Kəşfiyyat İdarəsinin keçmiş polkovniki Sergeys Skripala hücum etmək üçün Rusiyanın motivi var.

Axar.az xəbər verir ki, bu sözləri Brutaniya Baş naziri Tereza Mey “Skay Nyus” kanalına açıqlamasında deyib. Onun sözlərinə görə, bu, Rusiyanın Avropada istifadə etdiyi davranış modelinin tərkib hissəsidir:

“Rusiyanın imkanları vardı və mən əminəm ki, motiv və niyyətinə görə bu Rusiyanın Avropada istifadə etdiyi davranış modelinin tərkib hissəsidir. Bu, Britaniyada baş verdi, amma istənilən ölkədə ola bilərdi. Ona görə də müttəfiqlərimiz bizə ciddi dəstək verdilər”, - Mey deyib.

Mey həmçinin bildirib ki, Skripal və qızı SSRİ istehsalı olan “Noviçok” maddəsi ilə zəhərlənib.