NEZ-lərin yenidən qurulması üçün ölkəyə gətirilən avadanlıq və materiallar gömrük rüsumundan azad edilib
1-05-2018, 08:15
Nazirlər Kabinetinin “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” qərarına dəyişiklik edilib.
“Report” xəbər verir ki, bu barədə qərarı Baş nazir Novruz Məmmədov imzalayıb.
Bildirilir ki, Energetika Nazirliyinin təsdiqedici sənədlərinə əsasən, iri neft emalı zavodlarının yenidən qurulması layihələri çərçivəsində ölkəyə gətirilən avadanlıq və materiallar gömrük rüsumundan azad edilib.
Qərar dərc edildiyi gündən 30 gün sonra qüvvəyə minir və 2021-ci il dekabrın 31-dək qüvvədə olacaq.