İşdən evə gəlib xanımının iftar üçün xörək bişirmədiyini görən küveytli kişi bununla bağlı şikayət ərizəsi verməklə polisləri şoka salıb.

Moderator.az-ın “Khaleej Times” nəşrinə istinadla verdiyi xəbərdə deyilir ki, kişi arvadının onun əsas insani haqlarını pozduğunu iddia edib. O bildirib ki, xanımına uzunmüddətli işdən və orucdan sonra evdə yeməyə haqqı olduğunu xatırlatsa da, faydası olmayıb. Buna görə də polisə müraciət etmək qərarına gəlib. Bu cür şikayətlə ilk dəfə rastlaşan polislər başıbəlalı ərə arvadının əməlində cinayət tərkibi olmadığından onun ərizəsini qəbul edə bilməyəcəklərini başa salıblar.