Moskva ətrafındakı Odintsovo rayonunda taksi sürücüsü yaşayış binasının həyətində pulemyotdan atəş açıb.

Virtualaz.org xəbər verir ki, bu hadisənin videomüşahidə kameraları tərəfindən qeydə alınmış görüntüləri sosial şəbəkələrdə yayılıb.

Kadrlara əsasən “Yandex.Taksi” sürücüsü binanın həyətkində sakinlərlə münaqişə zamanı baqajdan pulemyot çıxarır və atəş açır. Bildirilir ki, münaqişənin bəzi iştirakçıları sərxoş olublar.

Dava zamanı onlardan biri yaralanıb. Polis qaynaqları bildirib ki, taksi sürücüsü PP-91 “Kedr” markalı pistolet-pulemyotdan atəş açıb. Hazırda onun tutulması üçün əməliyyat-axtarış tədbirləri keçirilir.