Bakı Apellyasiya Məhkəməsində "Criminalaz.com" saytının baş redaktoru Anar Məmmədovun barəsindəki hökmdən verdiyi apellyasiya şikayətinə baxılıb.

"Report"un xəbərinə görə, hakim Rizvan Səfərovun sədrlik etdiyi kollegiya şikayəti təmin etməyib, onun barəsindəki hökm dəyişdirilmədən saxlanılıb.

Bakı Ağır Cinayətlər Məhkəməsinin hökmü ilə A.Məmmədov barəsində 5 il 6 ay müddətinə azadlıqdan məhrumetmə cəzası verilib, Cinayət Məcəlləsinin 70-ci (şərti məhkumetmə) maddəsi tətbiq edilməklə 2 il sınaq müddətinə cəza təyin olunub.

Qeyd edək ki, A.Məmmədov Cinayət Məcəlləsinin 281.2-ci (dövlət əleyhinə yönələn açıq çağırışlar), 309.2-ci (vəzifə səlahiyyətlərini aşma) və 313-cü (vəzifə saxtakarlığı) maddələri ilə ittiham olunub.
Qeyd etmək istəyirik ki, 29.05.2019-cu ildə Bakı Apellyasiya Məhkəməsi Teref.info-nunda apelyasiya şikayətinə baxıb və hökmü qüvvədə saxlayıb.
Teref.info və Criminalaz.com saytının ittihamları və məhkəmə hökmləridə eyni idi.
Teref.az