Koronavirusa yoluxan qız və ailəsi Moskva vilayətində xəstəxanaya yerləşdirilib.

KONKRET.az rus mediasına istinadən xəbər verir ki, xəstələrin vəziyyəti kafidir.

Moskva vilayətinin Səhiyyə Nazirliyinin məlumatına görə, qız bu yaxınlarda Sürixdən qayıdıb, bundan sonra onda koronavirus təsdiqlənib. İndi ailənin təmas etdiyi şəxslərin dairəsi müəyyənləşdirilir.

Qeyd edək ki, koronavirusa görə şübhəli bilinən bütün ailələrin karantinə alınması xəbəri azərbaycanlılar arasında təşviş yaradıb. KONKRET.az-a adının açıqlanmasını istəməyən iş adamının sözlərinə görə, onlar ailələrini kütləvi yerlərə getməkdən çəkindiriblər. Hazırda bu virusa yoluxmamaq üçün azərbaycanlı ailələr tərəfindən lazım olan bütün tədbirlər görülür.