Azərbaycan nefti bir qədər də bahalandı – SON QİYMƏT
16-05-2020, 11:29
Dünya bazarında Azərbaycanda hasil olunan "Azeri Light" (CIF) markalı neftin 1 barelinin qiyməti bu gün – 16 may tarixində 1,76 dollar artaraq 32,77 dollar olub. Yeniavaz.com xəbər verir ki, "Azeri Light" markalı neftinin qiyməti bu ilin aprel ayının 22-də tarixi ərzində ən aşağı səviyyəyə düşərək 1 barelinin qiyməti 15,8 dollar olub. "Azeri Light" markalı neft ən yüksək qiymətə isə 2008-ci ilin iyul ayında satılıb. Həmin tarixdə 1 barel "Azeri Light" markalı neftin qiyməti 149,66 dollar olub. Bu gün ICE London qitələrarası birjasında keçirilən ticarət əməliyyatlarının gedişində Brent neftinin ixracına dair 2020-ci ilin iyul müqaviləsinin dəyəri 4,4% bahalanaraq hazırda 1 barelə görə 32,5 dollar təşkil edir. Nyu-Yorkun NYMEX əmtəə birjasında iyunda ixrac etməklə WTI markalı neftin dəyəri isə bu gün 6,8% bahalanaraq hazırda 1 barelə görə 29,4 dollar olub.