Rusiya prezidentinin əmisi nəvəsi, iş adamı Roman Putin yeni bir "Korrupsiyasız Rusiya" partiyası yaratmağı planlaşdırır.

Moderator.az xəbər verir ki, partiyanın təşkilat komitəsinin informasiya blokunun rəhbəri Darya Çeltsova “İnterfaks”a bildirib ki, qurultay partiyanın rəhbərliyini və proqramını təsdiqləmək üçün 15 dekabrda keçiriləcək.

Qurultaya Rusiyanın 53 bölgəsindən, hər bölgədən 2 nəfərdən (ümumilikdə 106 nümayəndə) nümayəndə qatılacaq. Partiya sədri vəzifəsi uğrunda Roman Putin də daxil olmaqla bir neçə namizəd mübarizə aparır. Çeltsova "Korrupsiyasız Rusiya" nın hazırda partiyanın işçi adı olduğunu ifadə etdi. Yeni partiyanın dəqiq adı, həmçinin nizamnaməsi və simvolları qurultayda nümayəndə heyətinin açıq səsverməsi zamanı müəyyənləşdiriləcək.