İsveçrənin Lütsern şəhərində yerləşən qocalar evindəki xəstə koronavirusa qarşı peyvənd edildikdən sonra vəfat edib.

Publika.az "RİA Novosti"yə istinadən xəbər verir ki, ölkənin tibb orqanları peyvəndlə ölüm arasındakı əlaqəni mümkünsüz hesab edirlər.

İsveçrədə kütləvi peyvəndlənmə 23 dekabr tarixindən başlayıb. Hələ ki, ölkədə dərman tənzimləmə orqanı (Swissmedic –Red) tərəfindən təsdiqlənmiş “Pfizer / BioNTech” peyvəndi istifadə olunur.

Qeyd olunub ki, 91 yaşlı şəxs ağır xəstəliklərdən əziyyət çəkirmiş və peyvənd olduqdan bir neçə gün sonra vəfat edib.

“Xəstəliklərin gedişatı COVID-19 peyvəndi ilə ölüm arasında birbaşa əlaqənin mövcud olmadığını göstərir. Hərtərəfli araşdırma təbii ölümə səbəb olacaq mövcud xəstəliklərə işarə edir”.