Ümumdünya Səhiyyə Təşkilatı (ÜST) səyahət üçün "peyvənd pasportu"nun tələb olunmasını dəstəkləmir.

Axar.az xəbər verir ki, bu barədə ÜST rəsmisi Marqaret Harris deyib.

"ÜST olaraq peyvənd pasportunu giriş-çıxış tələbi olaraq görmək istəmədiyimizi bəyan edirik, çünki bu mərhələdə peyvəndin virusun ötürülməsinin qarşısını alıb-almadığına əmin deyilik", - deyə Harris bildirib.

ÜST sözçüsü, həmçinin əlavə edib ki, bu, müxtəlif səbəblərdən peyvənd oluna bilməyən insanlara qarşı ayrı-seçkilik məsələsini də ortaya çıxaracaq.