Gəncə şəhərində güllələnmə faktı qeydə alınıb.

teref.az-nun Kəpəz TV-yə (Region TV) istinadən verdiyi məlumata görə, təxminən saat 23:30 radələrində 32 yaşlı şəhər sakini Elmir Cəlilov odlu silah yarası ilə Gəncə şəhər Təcili Tibbi Yardım Xəstəxanasına çatdırılıb.

Dərhal cərahiyyə şöbəsinə yerləşdirilən şəxs ölüb.

Hazırda cinayəti törədən şəxs və ya şəxslərin kimliyi dəqiqləşdirilir. Hadisənin hansı zəmində baş verməsi ilə bağlı hələlik dəqiq məlumat yoxdu.

Gəncə şəhər hüquq mühafizə orqanı əməkdaşları tərəfindən araşdırmalara başlanılıb.