Braziliyanın şimalında yerləşən Para ştatında tikilməkdə olan elektrik ötürücü xəttinin dayağının düşməsi nəticəsində azı 7 nəfər həyatını itirib.

Bu barədə “Qafqazinfo” “G1” portalına istinadən xəbər verir.

Onun məlumatına görə, insident cümə günü səhər saatlarında baş verib. 6 nəfər qəza yerində, daha 1 nəfər xəstəxanada ölüb. Xəsarət alanlara tibbi yardım göstərilir, vəziyyətləri barədə məlumat verilmir.

Bildirilir ki, hadisə zamanı ərazidə azı 26 nəfər olub. Xilasedicilər xəsarət alanların axtarışı ilə məşğuldur.