Ukraynanın İvano-Frankovsk şəhərində elit avtomobili partlatmağa cəhd edən gənc qolunu itirib.
Məlumata görə, 21 yaşlı cinayətkar taksi ilə gecə saat iki radələrində partlatmaq istədiyi maşının olduğu həyətə gəlib. Lakin avtomobilə quraşdırmaq istədiyi bomba əlində partlayıb.
Bundan sonra gənc hadisə yerindən qaçıb. Lakin o, tezliklə həkimə müraciət etməli olub.
Gəncin vəziyyəti ağır qiymətləndirilir, hətta əməliyyat da qolunu xilas etməyib.
Bundan əlavə, gənc çoxlu qan itkisinə məruz qalıb, həmçinin onda çoxlu qəlpə yaraları aşkar edilib.
Hüquq-mühafizə orqanları hələ ki, təfərrüatı açıqlamayıblar, lakin polis əməkdaşları gəncin palatasının yanında növbətçilik edirlər.