Uçuşda xidmətin bir hissəsi olaraq sərnişinlərə verilən xarab yeməklər “Delta Hava Yolları”na məxsus təyyarənin təcili eniş etməsinə səbəb olub.

İndex.az xəbər verir ki, çərşənbə günü “Delta Airlines”ın 136 saylı reysi ABŞ-ın Miçiqan ştatındakı Detroit Metropolitan Ueyn Kaunti hava limanından Hollandiyaya uçdu.

Lakin aviaşirkət sərnişinlərə “korlanmış” yeməklər verildiyini anlayanda təyyarənin Nyu Yorkdakı JFK hava limanına yönləndirildiyini bildirib.

“Delta Hava Yolları”nın sözçüsü verdiyi açıqlamada deyib: “”Delta” 136 saylı Detroitdən Amsterdama gedən reysi, uçuşda əsas kabin yemək xidmətinin bir hissəsinin pozulduğu xəbərindən sonra çərşənbə günü səhər tezdən Nyu-York JFK-ya yönləndirildi. Təyyarədə 277 sərnişin olub. Bununla belə, nə qədər insanın xarab olan qidalardan istifadə etdiyi dəqiq deyil”.