Almaniyanın Şimali Reyn-Vestfaliya əyalətində yük qatarının relslərdən çıxaraq aşması nəticəsində ciddi qəza baş verib.
İqtisadiyyat.az "Dpa news"a istinadən xəbər verir ki, insident zamanı 4 nəfər yaralanıb.

Qəzada ümumilikdə 10 vaqon və bir lokomotiv relslərdən çıxıb. Hadisənin yaratdığı təhlükəsizlik riski səbəbilə, Köln-Axen dəmiryolu xəttinin bir neçə gün müddətinə bağlanmasına qərar verilib. Bu xətt Almaniya ilə Belçikanın paytaxtı Brüsseli birləşdirir.

Hadisə yerinə dərhal xilasedicilər göndərilib və bərpa işlərinə başlanılıb. Təhlükəsizlik tədbirlərinin görülməsi və xəttin bərpası işlərinin yaxın günlərdə tamamlanacağı gözlənilir.