Türkiyənin Sakarya şəhərində piyada keçidindən keçən 64 yaşlı qadın qısa müddət ərzində ard-arda iki avtomobil tərəfindən vurulub.

Musavat.com Türkiyə mediasına istinadla bildirir ki, hadisə nəticəsində qadın ağır xəsarətlər alıb.

Görüntülərə əsasən, qadın keçiddən keçərkən ilk avtomobil onu vurub, daha sonra isə başqa bir avtomobilin də zərbəsinə məruz qalıb. Hadisə yerinə təcili tibbi yardım və polis cəlb edilib.

Məlumata görə, qadının vəziyyəti kritik olaraq qiymətləndirilir və hazırda xəstəxanada müalicəsi davam edir. Hadisənin dəqiq səbəbləri araşdırılır.

Hadisənin görüntüləri sosial mediada geniş əks-səda doğurub.