Bu günlərdə 1-ci dərəcəli Qarabağ əlili, DİN-in zabit-pensiyaçısı Məğrur Bədəlsoyun sağlıq durumu pisləşib, ağır astmadan əziyyət çəkən qazinin təngnəfəsliyi, boğulması şiddətlənib, qızdırması, təzyiqi qalxıb.

Əlil qazinin yaxınlarının DİN rəhbərliyinə müraciətinə anında reaksiya verilib, nazirin tapşırığı ilə Qarabağ qazisi DİN Hospitalına yerləşdirilib. İntensiv terapiya şöbəsində müalicəyə götürülən savaş əlilinin həkimlərin səyi nəticəsində hazırda həyatına təhlükə sovuşub, müalicəsi davam edir.

Daxili işlər naziri, general-polkovnik Vilayət Eyvazovun bu növbəti xeyirxah jestindən, humanist addımından dünyaya yenidən gəldiyini bildirən qazi “ömrüm boyu sayğılı nazirimə borcluyam” deyir. Doğrudan böyük insanlıq, mərdlik, kişilik örnəyidir. Hər nazir də vətəndaşının, əlilinin, qazisinin sayğılı “NAZİRİM” deyiminə layiq görülmür.

"Hürriyyət"