Vanilin şirniyyatlara xüsusi ətir və dad verən əsas inqrediyentlərdən biridir. O, təbii və ya sintetik formada olur və geniş istifadə edilir. Foodinfo.az xəbər verir ki, vanilin vanil bitkisindən alınan və ya kimyəvi yolla hazırlanan bir aromatik maddədir. Şirniyyatlara şirin, yumşaq və xoş ətir bəxş edir. Necə istifadə olunur? - Tort, peçenye və keks kimi un məmulatlarına əlavə edilir. - Krem, dondurma və şokolad istehsalında istifadə olunur. - Südlü içkilərə və qəhvəyə ləzzət qatır. Təbii və sintetik vanilin fərqi nədədir?- Təbii vanil vanil çubuğundan alınır, daha zəngin və dərin ətirə malikdir. - Sintetik vanilin isə kimyəvi yolla əldə edilir, daha ucuz və kəskin qoxuludur.