Çinin Sıçuan əyalətində torpaq sürüşməsi nəticəsində 10 ev uçqunaltında qalıb, 30 nəfər itkin düşüb.
"trthaber" xəbər verir ki, bölgəyə bir neçə xilasetmə qrupu göndərilib. Sürüşmə nəticəsində 2 nəfər xilas edilib, 200-ə yaxın insan isə təhlükəsiz ərazilərə təxliyə edilib.

Çin prezidenti Si Tsinpinq rəsmilərə itkin düşənlərin axtarışı və insan itkilərinin minimuma endirilməsi üçün hər cür səy göstərməyi tapşırıb.

Çin Fövqəladə Hallar Nazirliyinin məlumatına görə, xilasedicilər yüzlərlə insan itkisinin qarşısını almaq üçün səylərini davam etdirir.