Zaqatalada dələduzluq edən makler həbs olunub.

Lent.az-ın məlumatına görə, “Makler Saleh” ləqəbli Saleh Süleymanov Cinayət Məcəlləsinin 178.3.2-ci (dələduzluq, külli miqdarda) maddəsilə təqsirləndirilir.

Onun barəsində 10-a yaxın vətəndaş hüquq-mühafizə orqanlarına şikayət edərək, aldandıqlarını bildiriblər.

“Makler Saleh” bir əmlakı bir neçə nəfərə satmaqda və digər bu kimi cinayətlərdə ittiham olunur.

Zaqatala rayon məhkəməsinin qərarı ilə Saleh Süleymanov barəsində 3 ay müddətinə həbs qətimkan tədbiri seçilib.

Hazırda prokurorluq onun digər cinayətlərinin olub-olmadığını araşdırır.