Qızları “moykaya” salıb başlarına oyun gətirdilər. Rusiyanın Sverdlovsk vilayəti prokurorluğunun mətbuat xidməti bir qrup gəncin Kamensk-Uralskidə avtoyuma məntəqəsində iki qızı döydüyünü bildirib. AzPost MK-ya istinadla xəbər verir ki, hadisə yanvarın 3-də axşam saatlarında Karl Marks küçəsində yerləşən avtoyuma məntəqəsində baş verib.

“Gənclər qrup halında hərəkət edərək iki qızın baş və bədən nahiyəsinə zərbələr endiriblər. Zərərçəkənlərdən biri azyaşlıdır”, – deyə vilayət prokurorluğundan bildirilib.

Hazırda 21, 18 və 17 yaşlı üç yerli sakin barəsində xuliqanlıq maddəsi ilə cinayət işi açılıb. Qeyd olunur ki, döyülmə “şəxsi münaqişə zəminində” baş verib.

Qızları “moykaya” salıb başlarına oyun gətirdilər.

Yerli medianın məlumatına görə, münaqişə qızlardan birinin hücum edənlərdən biri ilə münasibət qurmaqdan imtina etməsindən sonra baş verib. Bundan sonra qızları avtoyuma məntəqəsinə aparıblar, çılpaq soyundurublar və bir saatdan çox soyuq su və avtoyuma köpüyü ilə isladıb sonraisə döyüblər.