İlin əvvəlindən bu günə qədər Şimali Amerikada 6 aviaqəza baş verib.

Bu barədə TRT məlumat yayıb.

Yanvarın 29-da Vaşinqtonda baş verən qəza zamanı təyyarədə olan 67 nəfərin (sərnişin və ekipaj üzvləri) hamısı həlak olub.

Yanvarın 31-də Filadelfiyada aviaqəza zamanı 7 nəfər həyatını itirib, 24 nəfər yaralanıb.

Alyaskada fevralın 6-da qeydə alınan qəzada sağ qalan olmayıb. Təyyarədə olan 10 nəfərin hamısı həyatını itirib.

Fevralın 10-da isə Arizonada təyyarə qəzaya uğrayıb. Bu zaman 1 nəfər həlak olub, 4 nəfər yaralanıb.

Fevralın 18-də Kanadanın Toronto şəhərində təyyarəyə qəzaya uğrayıb, 21 nəfər yaralanıb.

Ən son olaraq isə təyyarə qəzası Arizonada baş verib. 2 nəfər həlak olub.

Müxtəlif aviaşirkətlərə məxsus təyyarələrin qəzaya uğraması nəticəsində ümumilikdə 87 nəfər həlak olub, 40 nəfər yaralanıb.//globalinfo.az