Paytaxt Bakıda avtomobil hissələrinin satışı ilə məşgul olan mağazalar şəbəkəsi olan “Ştutqart”-ın fəaliyyətinin bir neçə istiqamətinə qadağa qoyulub.

Nəriman Əliyev nə qədər çıxış yolu axtarsa da heç bir nəticəsi olmayıb. Buna görə digər biznes strukturlarınında çökdürüləcəyindən ehtiyat edən Nəriman Əliyev geri çəkilib...

AzMedia.info-ya daxil olan məlumatda bildirilir ki, adı çəkilən mağazalar şəbəkəsi Almaniyadan “Mercedes” maşınları üçün avtomobil hissələri gətirərək ucuz qiymətə satışını təşkil edirdi. “Mercedes”lə yanaşı “Toyota” və s. kimi məhşur firmaların da məhsulları müxtəlif yollarla Azərbaycana gətirilirmiş.

Amma bu günlərdə “Mercedes” şirkətinin Azərbaycandakı nümayəndəliyi məsələyə qarışıb və hədə-qorxu yolu ilə bu mağazalarda "Mercedes” maşınlarının hissələrinin satışları yığışdırılıb.

Bunu da qeyd edək ki, mağazalar şəbəkəsi üzdə əslən Masallıdan olan Hacı Arifin olduğu kimi göstərilirdisə, əsl sahibi Masallıdan deputat olan Nəriman Əliyevdir.

Mənbə bildirir ki, “Mercedes” şirkətinin Azərbaycan nümayəndəliyi Naxçıvan Ali Məclisinin sədri Vasif Talıbovun yaxınlarına məxsusdur və buna görə Nəriman Əliyev nə qədər çıxış yolu axtarsa da heç bir nəticəsi olmayıb. Buna görə digər biznes strukturlarınında çökdürüləcəyindən ehtiyat edən Nəriman Əliyev geri çəkilib...

Qarşı tərəfin mövqeyini dərc etməyə hazırıq...